ال configuration management والrisk management من الأجزاء المهمة فى الtest management | اعرف اكثر عن الtest management
ان شاء الله اليوم سوف نكمل حديثنا عن الtest management،
تحدثنا سابقا عن الtest organization و العوامل اللى بتؤثر على ال test planning وماهى ال test planning activities، وتحدثنا أيضا عن ال test monitoring and control،
اليوم ان شاء الله هنتحدث عن جزئين مهمين
من أجزاء الtest management وهم ال configuration management والrisk management واللى من خلالهم
هنعرف الهدف من عمل configuration management وماهى ال risk وما أنواعها وماهى
العوامل اللى بتؤثر على كل نوع.
كيفية عمل configuration management
بيقوم كل من الديفلوبر و التيستر برفع الشغل الخاص بهم على tool، فالديفلوبر بيرفع ال code وال classes وال diagrams اما التيستر بيرفع ال bug report و ال test cases و ال test design specification، وذلك لأن الكل لازم يشوف شغل الجميع والتعديلات اللى بتحصل لأن لو كل واحد اشتغل على جهازه فلما نيجى نجمع هنلاقى اختلافات كثيرة في الشغل وهنحتاج نعدل حاجات كثيرة.
الهدف من عمل ال configuration management
١-ان الكل شايف التعديلات وأى تعديل أو تغيير
من أحد ال sources بتتشاف للجميع.
٢-من خلال عمل ال configuration management بنقدر
نعمل تجميع لكل ال test process الخاصة بالمشروع واللى بيكون عليها كل ال testware بتاعتنا (ال test cases -ال test document) علشان نعمل تجميع لكل الشغل بتاعنا
وبالتالى نقدر نعمل track للتغيرات وبالتالى لا يكون هناك غموض لأن كل حاجة فى مكانها
وأى تعديل مسجل بالوقت اللى تم فيه ,غير ان فريق التيستينج مش هيكون عندهم شغل
متكرر بمعنى ان هيكون هناك uniquely identify لل test item و ال test document، وكمان
خلال ال test planning ال configuration management بتساعدنا اننا نحدد اختيار كل ال tools اللى محتاجينها علشان نعمل documentation و implementation للمشروع.
وهذا فيديو بيتكلم عن ال configuration management.
ال risk management
ال risk هى عبارة عن الحاجة اللى ممكن تحصل يعنى لسه
بنتوقعها، وعندنا نوعين من ال risks أول نوع هو ال project risk وهو عبارة عن
الrisks اللى ممكن تحصل واحنا لسه شغالين فى المشروع، ثانى نوع وهو ال product risk وهو عبارة عن ال risks اللى ممكن تحصل بعد ما نسلم المشروع يعنى يكون product.
اما بالنسبة للعوامل اللى بتؤثر على كل نوع
هنبدأ بالعوامل اللى بتؤثر على الproject risk وهى عبارة عن ثلاثة عوامل :
١- organizational: وذلك مثل ان يكون عندنا نقص
فى skills أو فى training أو فى ال staff، أو يكون عندنا personal issues بين أعضاء
الفريق وبالتالى هيؤثر على الشغل بالسلب، أو يكون عندنا political issues زى ان
التيسترز ممكن يكون عندهم مشكلة فى الوصول لأهدافهم المطلوب تحقيقها من عملية
التيستينج وكمان ممكن يكون عندهم مشكلة فى أنهم مش بيعملوا follow up لل information.
٢- technical: وذلك بيشمل ان ال requirements ممكن متكونش صحيحة، أو اننا
مانقدرش نحقق المطلوب فى ال requirement بسبب وجود constraints معينة، أو ان
ال environment اللى هنعمل عليها التيست ما تكونش جاهزة، أو ان يحدث تأخير
لل conversion data لو احنا عاملين ابليكيشن على platform وحبينا ننقله على platform أخر ، أوتكون الجودة الخاصة بال design و ال code وال conversion data و ال test data ضعيفة.
٣-ال supplier: وذلك بيشمل اننا ممكن نستخدم
حاجة من خارج الشركة اللى شغالين فيها، و زى اننا ممكن نكون بنستخدم tool مفيش حد
بيستخدمها ولما يحصل فيها مشكلة و نرجع للشركة المنتجة لها منلاقيش support يحل
لنا هذه المشكلة.
المسئول عن حل هذه المشاكل هو ال test manager واللى لازم
يكون عنده project management skills عالية جدا علشان يقدر يعمل analyze و manage وmitigate لكل هذه الrisks.
اما بالنسبة للعوامل اللى بتؤثر على ال product risk فهى
ال potential failure areas زى ان السوفتوير ممكن ما يكونش بيحقق ال objective ولا
بيحقق ال relability ولا ال usability، وبالتالى كل ما نعمل تيست ال product risks بتقل .
عندنا نوعين من ال risk based approach وهم ال reactive وال proactive ومن ضمن المهام اللى بتحدد ال approach اللى هنشتغل بيه هو
ال identification of product risk وهو عبارة عن أول مرحلة من مراحل ال risk management،
وهو بيحدد الأجزاء اللى ممكن تطلع bugs وتعملى product risk وفى هذة المرحلة بنعمل prioritize للأجزاء
المهمة علشان نشوف حلول مناسبة، وبعدها نعمل implementation علشان نحل هذه ال risks،
وكمان بيساعدنا اننا نحدد ايه ال test techniques اللى هنستخدمها واحنا بنعمل تيست وايه
اللى هنعمله تيستينج وايه هى الأولويات اللى نعمل لها تيست وايه الأنشطة التى ليس
لها علاقة بعملية التيستينج نفسها لكن لابد من توافرها زى ال training فهو ليس من
ال testing activities ولكن هيؤثر على التيستينج.
ال risk based testing فيعتمد على ان ال stackholders لازم
يكونوا على علم بكل ال risks وايه المطلوب علشان نقدر نواجه هذه ال risks.
وهذا فيديو بيتكلم عن الrisk management.
تعليقات