من المهام التى يقوم بها مهندس اختبار البرمجيات هى كتابة الbug report | تعلم كيفية كتابة الbug report
ان شاء الله اليوم سوف اتحدث عن كيفية كتابة
الbug report , وماهى دورة حياة الbug , وماهى حالات الbug , عرفنا من
قبل فى الموضوع الخاص بالمصطلحات المهمة التى يجب معرفتها فى مجال السوفتوير
تيستينج اننا نقدر نقول ان عندنا bug لو حدث اختلاف فى النتيجة الفعلية عن النتيجة المتوقعة ,
اليوم ان شاء هنتكلم فى الموضوع بتاعنا بعد ما نلاقى الbug ازاى نعمل لها report ,
وايه هى الحالات اللى بتمر بها الbug .
العناصر(الattributes) اللى بنكتبها فى الbug report
1-الBug Id: ولازم يكون مميز ومينفعش يتكرر مع bugs أخرى .
2-الBug Title : بوصف فيه المشكلة بطريقة
بسيطة من غير مايكون فيها كلام كثير ,وطريقة كتابة الtitle بيشمل انى بعرف المشكلة
من الأول , فبكتب الأول الenvironment اللى لقيت عليها الbug دى زى operating system معين , وبعدين اسم الmodule الخاص بالbugاللى ظهرت زى الmodule الخاص بlogin أو
الregister , وبعدين بكتب المشكلة نفسها .
3-الSteps: دى الخطوات اللى لما عملتها ظهرت
لى هذه الbug , بتكون مكتوبة بطريق مرتبة وأكثر تفصيلا وبصيغة أمر , لأن هذه
الخطوات هى الخطوات اللى هيتبعها الديفلوبر علشان تظهر له الbug ويعرف سببها ويقدر
يصلحها.
4-الExpected Result : دى النتيجة المتوقع
انها تحصل.
5- الActual Result : دى النتيجة اللى ظهرت لى
فعليا بعد تنفيذ الخطوات اللى ذكرناها .
6- الSeverity: عبارة عن مدى خطورة هذه الbug على الأبلكيشن , ودى بتحدد عن طريق الSRS اللى بيحددها العميل طبقا لأهميتها
بالنسبة لليوزر , وهى بتكون اما critical أو high أو medium أو low.
7- الPriority : والعنصر ده بيكون مهم
بالنسبة للديفلوبر لأنه بيحدد أولوية الbug فى التصليح يعنى بيحدد لى ماهى الbug اللى لازم تتصلح الأول قبل الثانية , وهى بتكون اما high او medium او low.
8- الType : وهى نوع الbug نفسها هل هى bug فى
الuser interface ولا functional ولا performance ولا security.
9- الStatus : وهى الحالة الخاصة بالbug هل هى fixed ولا deferred ولا need information ولا non producible ولا duplicate ولا not bug.
10-
الAttachment : وده مهم جدا ولازم يكون موجود لكل bug لأنه الدليل اللى بيدل على ان
الbug دى ظهرت بالفعل وهو بيكون عبارة عن سكرين شوت أو فيديو مسجل.
ملحوظة : لايشترط كتابة كل العناصر السابقة
فى الbug report حيث ان كتابتها بتختلف من شركة لشركة أخرى حيث ان هناك بعض الشركات
بيشتمل الbug report الخاص بهم على جميع هذه العناصر , وهناك شركات أخرى بيشتمل الbug report الخاص بها على بعض هذه العناصر.
وده فيديو بيشرح كيفية كتابة bug report على
مثال عملى.
ماهى دورة حياة الbug أو ماهى حالات الbug
عندما يظهر لمهندس الإختبار bug بيقوم بعمل report خاص بهذه الbug ليقدمه للديفلوبر , ثم بعد ذلك يقوم الديفلوبر بتحليل الbug لمعرفة الحالة الخاصة بها ثم يعيدها لمهندس الإختبار.
حالات الbug (الbug statuses)
1-fixed :يعنى هى موجودة فعلا واتصلحت فالتيستر بيعمل لها retesting علشان يتأكد انها
اتصلحت , فلو اتصلحت بيعمل لها closed as fixed ولو مااتصلحتش بيرجعها تانى للديفلوبر.
2-deferred : يعنى مؤجلة مش هينفع أسلمها فى
الbuild دى يعنى هسلمها فى build تانية.
3-need information : التيستر بيشوف ايه
المعلومات الناقصة وبيكملها ويرجعها تانى للديفلوبر.
4-non producible : يعنى أوقات بتظهر وأوقات مابتظهرش فالتيستر بيشوف لو هو مش عارف يعيد
ظهور الbug مرة أخرى بيرجعها للديفلوبر وبيقول انها inconsistent ولو هى بتظهر على
حسب الخطوات اللى كاتبها التيستر بيرجعها ويقول للديفلوبرانها reproducible أى
يمكنك ان تعيد ظهورها ومن فضلك صلحها.
5-duplicate : يعنى الbug دى اتعمل لها تقرير
قبل كده وبيعمل لها اغلاق على انها مكررة.
6-not bug :
يعنى الديفلوبر بيكون شايف انها مش bug , فالتيستر بيشوفها لومش bug بيقفلها أما
لو bug بيرجعها تانى للديفلوبر وبيدأ يشرح له بطريقة كويسة وبهدوء انها bug.
7-known issue :
يعنى بتركها مفتوحة ولايتم اغلاقها لحد ما تتصلح وبعدين أقفلها.
وده فيديو بيشرح ال bug life cycle.
تعليقات