من المهام التى يقوم بها مهندس اختبار البرمجيات هى كتابة الbug report | تعلم كيفية كتابة الbug report

ما هوال software testing وماأهميته وماهى الISTQB وهل لازم احصل على هذة الشهادة| مقدمة محفزة عن الsoftware testing

ان شاء الله اليوم سوف نتحدث عن مجال الsoftware testing وعن مدى أهميته فى تطوير البرمجيات.انا اعلم انك تسمع كثيرا عن مجال اختبار البرمجيات  اوما يعرف بالتحكم فى جودة البرمجيات وعن مدى اهتمام شركات البرمجيات به. اذ انه فى الوقت الحالى جميع شركات البرمجة تحتوى على قسم خاص مسئول عن التحكم فى جودة البرمجيات الخاصة بها (QC).

 ان التيستيينج او(quality control ) هذين المصطلحين يعبران عن نفس الشىء والتى فى مضمونها التأكد من ان البرنامج أو التطبيق يؤدى الوظائف الأساسية التى يجب توافرها فيه طبقا لمتطلبات العميل.

software testing طيب دلوقتى نيجى نعرف بقى هو ايه ال

 التيستينج  هو عبارة عن مرحلة من مراحل تطوير البرنامج. بيقوم فيها مهندسى الاختبار من التأكد من ان البرنامج يعمل كما هو متوقع ان يعمل. طبقا للمواصفات اللى طلبها العميل, والتأكد من ان البرنامج يعمل بكفاءة عالية سواء من ناحية الأداء وتحمل اكبر عدد من المستخدمين بدون ان يحدث له عطل. وكمان بنتأكد ان البرنامج بتاعنا محتفظ بالبيانات المسجلة عليه بحيث لايمكن لأى احد ان يطلع على هذة البيانات اويعدل فيها الابإذن الادمن

    

لماذا الsoftware testing  مهم 

طيب دلوقتى بعد ماعرفنا هو ايه التيستينج بصورة مجملة جيه الوقت اللى نعرف فيه هو ليه التستينج مهم .أولا سأقوم بذكر مثال واقعى لتوضيح اهمية التيستينج بالنيسبة لأى برنامج احنا شغالين عليه.فى سنة 1992عملت شركة بيبسى عرض فى الفلبين .العرض ده عبارة عن ايه ان اللى هيلاقى رقم 349على ضهر غطا  اى أزازة هيكسب مليون بيسو(كان بيعادل وقتها 40الف 

دولار امريكى).

المفروض كان البرنامج يطبع رقم 349  ده على ازازة واحدة فى كل 800الف أزازة. ولكن حصل العكس وتم طباعة رقم 349 على ال800الف أزازة الا أزازة واحدة. فطبعا العملاء اللى كسبوا هذا العرض طالبوا بالمكسب الخاص بهم واترفعت قضايا 

ودفعت بيبسى فى الموضوع ده  حوالى42مليار دولار. وده كله بسبب غلطة فى البرنامج.

اعتقد دلوقتى عرفت قد ايه ان عملية التيستينج عملية مهمة للغاية وان بدونها ممكن تخسر الشركة المسئولة عن البرنامج اوالتطبيق مليارات الدولارات وكمان تخسر ثقة العملاء فى جودة منتجاتها

دلوقتى بعد ماعرفنا المثال المذكور واستنتجنا منه ان عملية التيستينج للسوفتوير عمليه لابد منها وانها مهمة للغاية.

هنبدأ نذكر لماذا التيستينج مهم للسوفتوير :

1- ايجاد الأخطاء: لأن ده بيكلف كتيرفمثلا فى المثال السابق لوكان اتعمل تيستينج كويس للسوفتوير المسئول عن عرض الارقام
على الأزايز لم تكن شركة بيبسى دفعت  كل هذا المبلغ(42 مليار دولار) .

2-التأكد من ان السوفتوير يخرج بجودة عالية ترضى العميل: وفى هذة النقطة لابد ان نتأكد ما الذى يحتاجه العميل ونوفره له حتى لوعندى تحسينات اواقتراحات بخصوص حاجة معينة,لاأقوم بتنفيذها الا بعد أخذ رأى العميل والموافقة عليها. لأن هدفنا الاساسى هو تلبية متطلبات
العميل.

3-التأكد من أن السوفتويير يشتغل بأداء أفضل: وذلك عن طريق انى بعمل تيستينج للسوفتوير على أجهزة مشابهة للأجهزة الحقيقية التى سوف يشتغل عليه .فنقوم بعملية التيستينج له على الموبايل لو هو تطبيق موبايل ولوكان موقع ويب نقوم بعملية التيستينج له على المتصفحات وهكذا.

ISTQB طب ايه هى ال 

  International Software Testing Qualifications Boardهى اختصار ل
 وهى عبارة عن منظمة بلجيكية بتدى شهادات عالمية فى

التيستينج حيث انها بتنزل منهج خاص بالتيستينج .بتذاكره وبتفهمه كويس وبعدين تمتحن فيه ولونجحت فيه بتاخد شهادة

ISTQB Foundation Level. ولوعاوزتعرف اكتر عن ايستكوبى تقدر تدخل على الموقع بتاعهم.

ISTQB طب هل لازم اخد شهادة ال

بص فيه شركات( نسبتها قليلة)  بتطلبها .ولوفيه كذا شخص مقدم على  وظيفة بتجعل لك اولوية فى القبول بس  بردوا بشرط ان يكون عندك خبرة عملية وفاهم كويس اللى فى الشهادة.يعنى الشهادة لوحدها ملهاش لازمة هى عامل مساعد فقط .يعنى لابد من الفهم الجيد لمحتوى الشهادة والخبرة العملية.

هتقولى اجيب الخبرة العملية منين :هقوللك فيه موقع اسمه جورو99 بيقدم لك مشاريع بتسجل عليه وبعدين بيبعت لك requirments الخاصة بمشروع معين بتبدأ تقرأ وتطلع منها الtest cases وتنفذها وتعمل bugs report وبيتابع معاك عن طريق الايميل.

بعد كده تبدأ تشتغل فى مواقع الفريلنسر وتطلع bugs وتتعلم من الناس الشغالة معاك على نفس المشروع. ونصيحة منى الصبر عامل مهم وربنا يوفقكم جميعا.

وفى النهاية انا عاوزة اقولك ان نسبة كبيرة من الشركات ميفرقش معاهم الشهادة .اهم حاجة انك تكون فاهم محتوى الشهادة كويس ويكون عندك خبرة عملية.

للإطلاع على ملف Causes Of Software Defect
موضوعات قد تهمك

مصطلحات مهمة فى السوفتوير تيستينج مثل ماهى الbugو ماهى الtest case.

 كيفية كتابة الtest case.

 كيفية كتابة الbug report.